الفرق بين الطالب الامريكي و الطالب العراقي

زائر

+
----
-

ما هو الفرق بين الطالبالامريكي والطالب
العراقي

الفرق يا احبائي جماعة بسيط كلش
اكيدكلكم هسه تكولون هذا
صدك يحجي لو ديحشش؟؟؟
هسه تشوفون
من الصبح تدك الساعه الرقميه الموجوده في
غرفة الشاب الامريكي ليستيقض مبكراً ويتوجه الى الحمام ليغسل وجههه ثم يفرّچ سنونه
ويتوجه الى المطبخ ويضع قطعتي التوست المحمص فى ال(هايالمكينه اللي تحمي خبز ما
ادري شسمهه المهم يذهب الى الحديقه الاماميه لينتظر الباص الاصفرمال مدرسه .

اما الشاب العراقي
يستيقض على صوت الوالده الحنين(اكعد ولك الساعه
6:00)
يذهب الى الحمام يجد الماء مجرش يتوجه الى السياره ان وجدت (عبالكم يصعد
بيهه ويروح للمدرسه ........لا) يسحب بانزين حتى يشغل المولد يشبع بانزين تنسد نفسه
وميتريّگ اذا رح يوفر عناء الريوگ عالاهل (ميشتهي ريّوگ غير؟) لعد شكو يجيب صمون
وگيمر عرب؟؟؟؟ج/ حتى احسن.
الطالب الامريكي ) يذهب الى المدرسه ليتوجه الى صف
الطبيعيات (عبالك روضه ) يتناقش ويه المدرس ويخلص يروح لدرس التغذيه (المعلمه
مالتهم خنفشاريه تخبللل) غير خلص الدوام يرجع بالباص للبيت يرتاح وبعدين يشغل
الكاديلاك مالته ويطلع يفتر ..
الطالب العراقي) يذهب الى المدرسه حاملاً التچّه
اللي لاف بيهه الكتب يدخل الى اول درس الاستاذ خلصان عنده بس اربع سنون (اللي ممحظر
يطلعلي هنا) ودائماً تصدف انه الطالب العراقي ممحظر (ينعلس) ثم تأتي الفرصه (يتعارك
مع احد زملائه) يأتي الدرس الثاني مدرس الفيزياء الحلقه الاخيره (كوم بابا مو كتلك
جيب ولي امرك ..متحظر عندي اليوم ) ( ما احظر وشنو يعني درس رياضه صاير الفيزيه )
خلص الدوام( هوه مخلص بعده الدرس الرابع بس الطالب العراقي طفر من الحايط ) مابيهه
شي يرجع للبيت يلكه امه حارگه التمن وتنطيه خمسميه يروح يجيب معجون توسان وبالصدفه
يلكه الوالده مشغله الثلاجه عالمولد وگايم المحرك مالمولد (بهدووم المدرسه يكعد
يفصخ ) وراهه يضرب هندر گول اشتغلت المولدة (اجه بابا) كالعاده يبوك السويج ويطلع
يفتر بالصدفه البحته ونادراً ما تحدث نلكه سيطره بالشارع وگفوه ( السياره بسمك )
(اي أو لا المهم ياخذ الفين)
يفتر بالسياره ( اذا زوجيبس) يدور بنات يتحارش منا
منا ذبلهه الرقم كالتله خابرني دگ رقمهه بسرعه (ان رصيد حسابك لا يكفي.....)(خرب
انه ) يتوجه الى اقرب چنبر ليشتري كارت ابو العشره ويخلصه عليهه..
الطالب
الامريكي) الساعه 8:00 يبوس بابا ويبوس ماما ويروح ينام وكذلك ثاني يوم.
الطالب
العراقي )يرجع بالليل يلگه البابا گالب الدنيه عالسياره يتعارك وياه والماما ممسويه
عشه هم يتعارك وياهه ويروح يفتح نت ويكعد على منتدى شط العرب وتطفه الكهرباء يروح
ينام وكذلك ثاني يوم .

iiiiiiiiiiiiiiiiiiiiiiiiii
هههههههههههههههه
تسلموووووووووو cheers

» هنا صوت العندليب العراقي
» الطريقة الوحيده لفوز المنتخب العراقي
» ماهو الفرق بين الامامه والنبوة؟
» ما الفرق بين نظام فرمتة ntfs fat32